Post gan Gareth, Arweinydd Cofrestru, Awdurdod Cyllid Cymru (ACC)

Mae rhywbeth ychydig yn rhyfedd am lansio gwasanaeth llywodraeth am y tro cyntaf.

Ar ôl dwy flynedd o waith, efallai y byddech chi’n disgwyl i’r foment y mae’n mynd yn fyw o’r diwedd deimlo’n arwyddocaol. Efallai y dylai fod countdown, neu ffanffer, hyd yn oed ychydig o ddathlu.

Yn lle hynny, fe gliciodd rhywun fotwm. A dyna ni. Roedd fersiwn 1 o’r gwasanaeth Cofrestru eich llety ymwelwyr yng Nghymru yn fyw. Nawr mae gan ddarparwyr llety yng Nghymru tan 31 Mawrth 2027 i gofrestru gydag ACC.

Blynyddoedd o ddeddfwriaeth, polisi, dylunio, ymchwil defnyddwyr, datblygu a phrofi, nawr yn ddim ond ychydig o gliciau. Roedd e, os ydw i’n onest, yn ychydig o anticlimax. Ond oherwydd yr holl waith, efallai mai dyna’n union sut y dylai fod.

Post gan Sarah, Ymchwilydd Defnyddwyr, Awdurdod Cyllid Cymru

Rwy’n ymchwilydd defnyddwyr ar brosiect Ardoll Ymwelwyr Awdurdod Cyllid Cymru, a fy ngwaith i yw cynrychioli llais y defnyddiwr. Mae hyn yn bwysig iawn i mi. Mae’n hollbwysig bod fy nghydweithwyr yn gallu meddwl o safbwynt defnyddwyr a blaenoriaethu eu hanghenion.

Ond beth mae hynny’n ei olygu yn ymarferol?

Post gan Cath, Uwch Ymchwilydd Defnyddwyr, Awdurdod Cyllid Cymru

Sut ydych chi’n dylunio gwasanaeth cofrestru mewn ffordd sy’n gwneud synnwyr i reolwr gwestai, darparwr gwersylla a pherchennog llety gwyliau i gyd yr un pryd? Dyna oedd yr her y gwnaethom osod i’n hunain wrth ailgynllunio adran ‘ynglŷn â’r llety’ y gwasanaeth cofrestru llety ymwelwyr newydd.

Yr adran hon yw’r man lle mae darparwyr yn dweud wrthym beth yw enw eu math o lety, pa fath o lety maen nhw’n ei gynnig, faint o unedau sydd ganddyn nhw, a oes gan yr unedau hynny enwau, y nifer mwyaf o westeion y gallan nhw eu lletya, a phryd maen nhw ar gael ar gyfer eu harchebu.

Er mwyn sicrhau ein bod wedi gwneud hyn yn iawn, buom yn siarad â chymysgedd eang o ddarparwyr llety yng Nghymru, gan gynnwys gwesteiwyr hunanarlwyo, gweithredwyr meysydd pebyll a glampio, rheolwyr gwestai a hosteli, a threfnwyr gwyliau a digwyddiadau.

Post gan Gareth, Arweinydd Cofrestru, Awdurdod Cyllid Cymru

Fis Ebrill 2026, aeth ein gwasanaeth cofrestru llety ymwelwyr trwy Asesiad Gwasanaeth Digidol. Fe’i cynhaliwyd gan Wasanaethau Cyhoeddus Digidol Cymru (DPSW), a wiriodd sut rydym yn perfformio yn erbyn 12 pwynt Safon Gwasanaeth Digidol Cymru. Dyma wnaethom ei ddarganfod.

Post gan Gareth, Arweinydd Cofrestru, Awdurdod Cyllid Cymru

Rydym yn agosáu at agor cofrestru ar gyfer darparwyr llety ymwelwyr yng Nghymru. O hydref 2026 ymlaen, bydd angen i unrhyw un sy’n codi tâl ar ymwelwyr am aros dros nos yng Nghymru gofrestru gydag Awdurdod Cyllid Cymru (ACC). Cyn i ni agor y cofrestru i bawb, rydym am wneud yn siŵr bod y gwasanaeth yn gweithio’n dda i bob darparwr. Dyna pam ein bod yn gwahodd grŵp bach o ddarparwyr i gymryd rhan mewn beta preifat – prawf cynnar o’r gwasanaeth go iawn.

Post gan Gareth, Arweinydd Cofrestru, Awdurdod Cyllid Cymru

Mae adeiladu gwasanaeth newydd yn fwy na’r hyn a welwch chi ar y sgrin.

O dymor yr hydref 2026 ymlaen, bydd angen i ddarparwyr llety ymwelwyr yng Nghymru gofrestru gydag Awdurdod Cyllid Cymru (ACC). Ers lansio ACC yn 2018, ein dull ni bob amser yw helpu pobl i wneud pethau’n iawn y tro cyntaf ac rydym yn cymhwyo’r un dull ar gyfer cofrestru. Rydym yn gweithio’n galed i wneud yn siŵr bod gennych chi bopeth sydd ei angen arnoch er mwyn cwblhau’r broses yn syml, yn gywir ac yn hyderus.

Post gan Gareth, Arweinydd Cofrestru, Awdurdod Cyllid Cymru

O dymor yr hydref 2026 ymlaen, bydd angen i ddarparwyr llety ymwelwyr yng Nghymru gofrestru gydag Awdurdod Cyllid Cymru (ACC). Pan fydd darparwr yn cofrestru, byddan nhw’n cael rhif 8 digid unigryw . Mae’r gwaith o ddylunio’r rhif hwnnw wedi bod yn fwy dyrys nag y byddai rhywun wedi ei ddisgwyl.

Post gan Gareth, Arweinydd Cofrestru, Awdurdod Cyllid Cymru

Rydym wedi bod yn edrych ar sut y bydd partneriaethau’n cofrestru eu llety i ymwelwyr gydag Awdurdod Cyllid Cymru (ACC). O hydref 2026 ymlaen, bydd rhaid i bawb sy’n cymryd archebion am lety dros nos yng Nghymru gofrestru gyda ni.

Ar gyfer y darn hwn o waith, roeddem am ganolbwyntio ar y daith o’r dechrau i’r diwedd. Roedd angen i ni wneud yn siŵr bod yr hyn rydym yn ei ddylunio’n bodloni anghenion defnyddwyr ac yn cofnodi’r holl wybodaeth sy’n ofynnol gan y polisi.

Post gan Cath, Uwch Ymchwilydd Defnyddwyr, Awdurdod Cyllid Cymru

Mae Awdurdod Cyllid Cymru yn creu gwasanaeth cofrestru ar-lein newydd ar gyfer y rhai sy’n darparu llety i ymwelwyr yng Nghymru. Yn y blog hwn, rydym yn rhannu’r hyn a ddysgwyd o’r rownd ddiweddar o waith ymchwil a gynhaliwyd gyda defnyddwyr sy’n siarad Cymraeg.